最近同友人敘舊，傾番舊時佢嚟西蘭探我d回憶..
4日3夜 70km, 20kg😂
由我住嘅town揸咗5個鐘車去到Queenstown，我地著一對幾日前先買嘅雜嘜牌行山鞋，行山杖就出發行人生第一次嘅走營。無規劃無訓練，人生就係要咁隨性😂仲記得友人嚟幾日前先話不如行山，就咁就行4日山，有同你一齊癲嘅朋友就係咁正
去到track之前要登記，同埋無記錯係要比錢，十幾蚊紐紙可以訓佢地d hut，出面紮營就5蚊。然後就出發了。
揸車揸咗一段差唔多成個鐘好震好爛嘅山路，就到達咗山徑嘅入口。
Greenstone track 係一條都比較豐富嘅路，有山有河有草原有泥沼有樹林有石河，一條玩哂。到而家都仲好後悔緊嘅係嗰陣仲未識影相😂浪費咗d景咁
一路行一路d風景都變換緊，好似行緊唔同地方，呢個亦係外國track最大分別，比較多樣性。
但人就同香港都係差唔多，迎面見到都會大家say個hi，去到大自然大家都會開心放鬆d去同人交流。
講番西蘭遊，西蘭其實有好多track都係會有Hut 即係類似獵屋去for d backpacker 去過夜，通常都會跟一d睡墊比你，你帶自已嘅睡袋入去訓就ok，仲記得我地個陣唔知做咩帶左3日嘅米去煲😂加d咖哩磚 個陣仲以為自己係豪食 🤦🏿
Btw煲緊飯個陣見到一個畫面好靚好難忘，一對NZder 情侶(doctor and scientist 傾計個陣佢地話)喺獵屋窗台邊 挨住笑住睇日落，有d似拍戲feel但真係幾有feel..